Skrappblogg

auglýsing sem lo

2007-10-13T08:15:00.000Z

Ég kláraði loksins matreiðslubók mömmunnar. Matreiðslubók mömmunnar er swapp sem ég er með í en við erum 9 saman og erum að skipuleggja eina viku í mat hver og gefum svo hvor annarri eintak af okkar viku og fáum 8 mismunandi skipulagðar vikur til baka. Öll eintökin eru með innkaupalista fyrir vikuna og 7 uppskriftir fyrir vikuna. Allt skrappað á A4 blöð. Þetta tók miklu meiri tíma en ég gerði ráð fyrir og er ég búin að vera að vinna þetta síðan í sumar. En ég er rosalega ánægð með útkomuna og ætla að smella myndum af þessu seinna í dag og setja inn.

En þar sem ég er búin með þetta stóra verkefni gerði ég 12*12 síðu með góðri samvisku í gærkvöldi. Helgaráskorunin er sú að nota eitthvað úr fréttablaðinu sem lo og fann ég þessa auglýsingu í gær:

Síðan sem ég gerði lítur svo svona út:

Jói minn átti erfitt með að sjá að ég hefði notað auglýsingu sem lo en:

Auglýsingin - síðan

Blöðrurnar - blómin

bíllinn - myndirnar

Titillinn vinstra megin - titillinn hægra megin

Texti - journal

IH merkið - ártalið 2007

Ég átti í smá basli með að finna pp fyrir þetta. Ég reyndi til dæmis mikið að finna pp sem myndi passa undir ártalið í sama lit og blómin en það kom frekar asnalega út.

Efnið sem ég notaði er annars:

Pp - bazzill og decorative cardstock

Blóm - embossuð Prima

Titill - making memories rub-ons (beach black)

journal -handskrifað

brads - keypt í Skrappa.is (man ekki hvaða merki)

Alþjóðlegur kortadagur 6. október

2007-10-08T12:59:00.000Z

Ég komst í rosalegan kortagír enda mikið spjallað um kort á vefnum í tilefni kortadagsins. Á scrapbook.is voru þrjár kortaáskoranir og gerði ég fjögur kort í tvær af þeim.

1. áskorun var glimmeráskorun frá Svönu og gerði ég þessi tvö afmæliskort:

Pp: hvítt karton og scrapbook walls.
Blómin: eru keypt í Odda og eru þau með lími beggja megin sem ég sáldraði glimmeri í.

Glimmer: Making memories.

2. áskorun var áskorun frá Huldu P. Við áttum að skrapplifta þessu korti

Ég gerði tvö kort.

Fyrra kortið er afmæliskort og fer í kortakassann til mömmu.

Pp: hvítt karton, bazzill, Amy Butler K&Co, embossaði pp lenti í cuttlebug.

Stimplar: fékk lánaðan í Ölver blöðrustimpilinn en Hamingjuóskir keypti ég í hóppöntuninni sem Eva Huld var með.

Seinna kortið er samúðarkort.

Pp: Bazzill olive þrjár gerðir, Amy Butler K&Co, embossaði pp lenti í Cuttlebug.

Krossinn gerði ég í tölvunni og prentaði út.

Áskorun Erlu Rúnar

2007-10-08T12:44:00.000Z

Erla Rún er með skrapplift áskorun inn á scrapbook.is. Þessi síða hér er fyrirmyndin:

En mín útgáfa er allt öðruvísi. Maður þarf jú ekki að nota allt og má breyta eins og maður vill. Fyrirmyndin er innblásturinn. Ég bætti við annarri síðu og bjó til opnu en svona er útkoman:

Mig langaði að setja ric rac borða í scalloped kantana en átti bara engan sem passaði við. Ég þarf nauðsynlega að eignast meira af dóti.

Pp: bazzill og scrapbook walls.

Titill: leturgerð George úr Cricut.

Blómin: Prima.

Stóra myndin er tekin af bekknum sem ég kenndi árin 2003 - 2006. Þarna eru þau í 4. bekk og er hún Eva Huld umsjónarkennarinn þeirra á þessum tíma. Eva Huld var svo almennileg að leyfa mér að stela smá stund með þeim á foreldrakvöld til að gefa þeim pokaalbúm sem ég gerði fyrir hvert og eitt þeirra. Á síðunni á móti eru myndir af krökkunum að skoða albúmin með foreldrum sínum. En ég skrifaði smá texta í kringum þær myndir.

Ölver - síðurnar

2007-10-08T12:34:00.000Z

Ég gerði síður í albúmin þeirra Kolbrúnar Ýrar og Daníels.

Hér eru síðurnar hennar Kolbrúnar:
Fyrsta baðið:

Skírnin:

Mömmu- og pabbaknús:

Og svo síðurnar hans Daníels:

Veltir sér:

Skírnin:

Síðurnar eru allar ótrúlega einfaldar eitthvað hjá mér. Ég komst eiginlega ekki almennilega í gírinn til að gera 12*12 síður svo að ég notaði tímann betur til að prófa eitthvað nýtt. Eins og t.d. cuttlebug vélina hennar Fríðu Matt, stimpla Jónu, Ingunnar og Hönnu Dóru og fékk góðar leiðbeiningar hjá Ingunni í embossinu.

Svo er líka svo langt síðan ferðalagið var að ég bara hreinilega man ekki hvað ég notaði í síðurnar.

Ölver - farangurinn

2007-10-08T12:24:00.000Z

Ég er nú svoldið mikið sein að blogga um skrappferðina í Ölver en vildi hafa þetta hér með skrappinu mínu.

Ég pakkaði vel og vandlega fyrir ferðina og tók náttúrulega myndir af herlegheitunum.

Hér er allt dótið mitt, sorterað og komið í kassa.

Séð ofan í töskuna, sem er ansi stór. Ég hef litla rýmisskynjun og bjóst því við að koma þessu öllu fyrir hér en...

... það sem er hér við hliðina á töskunni fékk annan samastað því ekki fer ég að skilja eftir það mikilvægasta eins og pappírinn og nýju, flottu cricut vélina mína.

Ég reyndi að vera hagsýn og til að spara plássið keypti ég slatta af zip-lock pokum og sorteraði eftir litum borðana mína. Pokana setti ég síðan upp á hring til að þeir færu ekki út um allt.
Blómin min voru líka sorteruð eftir litum og sett í poka.

Það tók frekar mikinn tíma að skipuleggja dótið svona en vá hvað ég held að ég græddi mikið á því til lengri tíma.

Ég hafði miklar áhyggjur af því hvort að þetta kæmist fyrir aftur á sunnudeginum, en ég þurfti þess sko alls ekki. Þetta smellpassaði.

Lítið að gerast eða hvað?

2007-08-21T10:16:00.000Z

Sumarið hefur verið illa nýtt í skrapp, þ.e.a.s. ég hef ekki skrappað margar 12" x 12" síður þar sem ég hef verið að gera annað skrapptengt. Ég skrappaði t.d. söngbækur fyrir leikskólann sem kveðjugjöf frá Kolbrúnu. Söngbækurnar voru harmonikkubækur og gerði ég eina fyrir vetrarlög, eina fyrir sumarlög, eina fyrir haustlög og svo eina fyrir jólalög. Vorlögin fléttast inn í vetrarlögin svo vorið fékk ekki sér bók. Ég var búin að komast að því hvaða lög eru sungin á leikskólanum og setti ég bara þau lög í bókina. Hver deild fékk síðan fjórar bækur en deildirnar eru 5. Bækurnar urðu því 20 talsins og ég var svo fegin að klára þær áður en Kolbrún Ýr hætti að ég bara steingleymdi að taka myndir. Þarf að fara upp í leikskóla og fá að stilla þeim upp. Ég fer þangað svo sem á hverjum degi að sækja Daníel Örn svo ekki ætti það að vera mikið mál.

Ég er líka búin að vera að skrappa í matreiðslubók mömmunnar en við erum 9 stelpur á scrapbook.is sem erum með swapp á uppskriftum. Ég skrappa sem sagt níu eintök af vikunni minni og fæ 8 vikur til baka. Vikan er vel skipulögð, innkaupalisti fremst fyrir alla vikuna og svo 7 uppskriftir. Ég er búin með 2 stykki en ég verð að skila þessu af mér eftir rúma viku. Það tekur ekki svo mikinn tíma að skrappa vikurnar nú þegar ég er búin að ákveða hvernig vikurnar eiga að vera. En ég þarf að fara að koma myndum inn svo að þetta verður að duga í bili.

Afmælisgjöfin

2007-06-27T15:00:00.001Z

Þessa síðu gerði ég fyrir áskorun sem Hildur Ýr setti á skissubloggið sitt (linkur hér til hliðar ef þið viljið kíkja á skissurnar hennar).

Myndin er af Daníel opna afmælisgjöfina sína þegar hann varð tveggja ára og Kolbrún tók náttúrulega þátt í því. Síðan átti því að vera strákaleg en vildi samt tengja rauða litinn í kassanum utan af bílnum einhvern veginn. Blómin og blingið er sem sagt til þess. Þetta er í fyrsta skipti sem ég nota svona staka bling steina og var það frekar mikil nákvæmnisvinna og erfið í þokkabót. Ég byrjaði á því að mæla út hvar steinarnir áttu að vera og setti síðan eina límdoppu undir hvern stein. Kemur ótrúlega flott út en það sést ekki almennilega á myndinni hér fyrir ofan. Steinarnir eru sem sagt rauðir í stíl við bílinn og blómin.

PP er frá K&Company, blómin eru prima, stimpillinn undir þeim er Fancy Pants, blingið fékk ég í Rak-i og titillinn er heimagert rub-on.

5 atriði

2007-06-26T16:30:00.000Z

1. Um hvað var síðasta síðan sem þú gerðir?
Síðasta síðan sem ég gerði er um börnin mín tvö og tvær frænkur. Við mömmurnar erum jafngamlar og erum duglegar að hittast og leyfa krökkunum að leika. Síðan er hér fyrir neðan en það vantar hinn helminginn. Síðan er sem sagt hluti af opnu.
2. Hvaða skrappara lítur þú upp til og af hverju?
Ég er ekki mikið að skoða hvað erlendir skrapparar eru að gera en það er ein íslensk sem mér finnst extra góð. Hún gerir fallegar síður, er hugmyndarík og virðist vita allt í skrappinu. Þessi íslenski skrappari heitir Þórunn.
3. Hvað hefur þú ekki gert á skrapp síðu en langar að prufa?
Ég prófa nú eiginlega allt nýtt sem ég hef ekki prófað áður en einhvern veginn hef ég aldrei gert síðu með falið tags. Ætti kannski að gera það.
4. Hvaða tími dagsins hentar þér best til að skrappa?
Ég ætti náttúrulega að nota daginn frá 8 - 16 þegar krakkarnir eru á leikskólanum en virðist skrappa meira og betur á kvöldin.
5. Settu link inn á 2 blogg sem þú heimsækir reglulega.
Skissubloggið hennar Þórunnar - http://gettinsketchy.blogspot.com/
Skissubloggið hennar Beggu - http://stjani.magnus.is/sketches1.htm

Skissa 2

2007-06-25T20:48:00.001Z

ég bara komin á skrið við að gera skissur. Þetta er ótrúlega gaman. Ég var sem sagt að læra að láta einn layer fara yfir annan eða þ.e.a.s láta hluta af layer vera falinn og þetta er útkoman.

Fjögur frændsystkin.

2007-06-25T18:46:00.001Z

Ætlaði að hafa krossa yfir j í fjögur og hafa fögur frændsystkin en er ekki búin að láta verða af því. Fjögur frændsystkin virkar líka. Ég klæddi chipboard með pp og blómin eru prima úr sendingunni hennar Gógó.

útskrift

2007-06-25T18:39:00.000Z

Ég notaði málningu í þessa síðu. Prentaði út stafina og klippti út, límdi á bazzill og dúmpaði yfir með gylltri málningu. Tók svo upp stafina. Chipboard dropana málaði ég svo í sama lit og ég málaði líka á brúnirnar á pp.

Skissa 1

2007-06-25T18:24:00.001Z

Hér kemur fyrsta tilraunin mín að búa til skissu.

Thelma Líf

2007-06-17T01:13:00.000Z

Pp er úr bunkanum sem ég keypti hjá Sesselju. Rub-onið líka. Stimplarnir eru Fancy Pants en þá keypti ég líka hjá Sesselju. Fyrirsætan er bróðurdóttir mín hún Thelma Líf og er hún að passa aðra bróðurdóttur mina hana Steinunni Ellu. Thelmu Líf myndi ekkert þykja það leiðinlegt að eiga lítið systkini en ætli hún myndi ekki vera full harkaleg og halda að nýja barnið væri dúkka. Steinunn Ella verður að duga þangað til hún eignast lítið systkini.

Leikur

2007-06-16T01:26:00.001Z

Ég er byrjuð að skrappa allt árið 2007 og setja skipulega í albúm. Þessar myndir voru teknar í febrúar þegar Björk kom í heimsókn með Emblu Ósk. Við fórum með krakkana með okkur í Janus og keyptum sitthvora húfuna á þau og voru þau svo sæt saman með eins ullarhúfur.

Á fyrri síðunni er Daníel búin að koma Emblu Ósk fyrir í baby born kerru og er textinn:
Kolbrún Ýr notaði Daníel Örn sem dúkku. Svo þegar Embla Ósk kom í heimsókn var hún sett í dúkkukerruna enda minni en Daníel.

Allt sem ég notaði á síðunni keypti ég hjá Sesselju, Chipboard og rub-on frá Fancy Pants. Pp frá chatterbox og er úr línu sem heitir scrapbook walls. Blómin eru frá Prima. Pp og blómin voru úr kössunum af gamla lagernum og hefði ég sko alveg getað keypt meira en einhverjar hömlur verður maður að hafa.

En ég held að ég verði að fara að fjárfesta í almennilegum skanna og byrja að skanna og skeyta saman síðurnar því að taka myndir af þeim gefur bara alls ekki góða „mynd“ af þeim.

Vinavika

2007-06-14T01:44:00.001Z

Þetta kort gerði ég í tilefni vinaviku á scrapbook.is. Stelpurnar þar eru svo æðislegar. Ein af ástæðunum fyrir því hvað mér finnst gaman að skrappa er félagsskapurinn og þar sem ég er ekki búin að smita nægilega margar af mínum vinkonum finnst mér svo gaman að geta deilt og séð hvað aðrir eru að skrappa. Áhugamálin verða svo miklu skemmtilegri í góðum félagsskap.

Digital afmæliskort

2007-06-14T00:01:00.001Z

Næstu tvo daga eru fjögur afmælisbörn sem fá kort frá okkur (og gjöf náttúrulega líka). Þessi tvö kort hér að ofan gerði ég í photoshop og brýt ég þau síðan saman. Allt sem ég á í digital skrappinu hef ég eignast í gegnum netið. Þar er hægt að nálgast allskonar freebies.

Breytingar

2007-06-10T22:04:00.000Z

Þessa síðu gerði ég fyrir leik á scrapbook.is.

Skilyrðin voru:

stök síða,
3 ljósmyndir,
20 blóm,
brads,
borði,
textabox,
hringur,
afgangur frjáls.

Ég fyllti öll skilyrðin. Ljósmyndirnar eru teknar þegar við byrjuðum í janúar að setja upp skápinn fyrir allt geymsludótið okkar. Blómin eru frá Prima. Bradsið er making memories sem ég keypti hjá Sesselju. Borðinn er frá Söstrene Grene. Textann skrifaði ég svo inn í hringinn. Pp er bazzill. Blómastimplarnir við myndirnar eru glæru stimplarnir frá Fancy Pants. Ég kom ekki meiru fyrir en finnst þetta bara nokkuð gott.

Textinn:
Hjá okkur hér í Engihjalla 13 ganga breytingar hægt. Byrjað var a ðsetja upp stóran geymsluskáp í janúar 2007 og í júní eru ekki enn komnar hurðar á skápinn. Dótið úr geymslunni hefur því verið í kössum út um alla íbúð í 6 mánuði.

Alltaf gaman í baði

2007-06-10T22:00:00.001Z

Stimplarnir eru frá Fancy Pants og keypti ég þessa frá 2 peas in a bucket en ég keypti líka aðra 12*!2 stimpla hjá Sesselju. Ég setti síðan bling steina í dútlið og skrifaði textann. Pp er bazzill.

Textinn:
Kolbrún Ýr (5 ára) og Daníel Örn (2 ára) fara alltaf saman í bað og skemmta sér konunglega. Þarna eru þau að leika sér með sérstaka málningu í baðið.

Upprennandi uppvaskari

2007-06-10T21:56:00.001Z

Þessa síðu gerði ég eftir skissu frá Beggu. Skissurnar hennar eru algjörir gullmolar. Skissan hennar var að vísu gerð fyrir þrjár myndir en ég breytti henni til að henta fjórum myndum. Scallopið gerði ég með filmuboxi og klippti svo út. Þarf endilega að eignast svoleiðis skæri til að auðvelda mér lífið. Blómin eru frá Prima og fékk ég þau úr stóru pöntuninni hennar Gógó. Takk fyrir mig Gógó, aftur. Bradsið er frá making memories og keypti ég það og rub-onið (stafirnir) hjá Sesselju en hún var svo skemmtileg að leyfa mér að koma og skoða lagerinn hennar. Pp er síðan bazzill.

Fullt af nýju dóti en ekkert skrappað

2007-06-09T19:18:00.000Z

Ég á fullt af nýju dóti frá Fancy Pants. Ég á tvo pakka af 12*12 chipboard, einn pakka af 6*6 chipboard, 2 týpur af glæru 12*12 stimplana, 6*6 acryl blokkina, fullt af rubon, nýtt stimplastafróf (bangsímon), fullt af nýjum blómum, allskonar ný brads og eyelets, nýja penna (brúnan, hvítan og svartan) og meira ef þið getið trúað því. Ég fékk stafastimpla, blóm og bling í afmælisgjöf. Verslaði Fancy Pants úr pöntuninni hennar Sesselju og er nýlega búin að fá afmælispöntun að utan. Ég er búin að vera með mjög mikla þörf fyrir að skrappa, er búin að prenta út slatta af myndum en líkaminn hlýðir mér ekki þessa dagana svo að ég hef ekkert getað skrappað og er það ömurlegt þar sem svona mikið af nýju dóti býður bara eftir að vera notað. En vá hvað verður gaman hjá mér þegar ég loksins get skrappað og eiga síðurnar þá ábyggilega eftir að renna út eins og heitar lummur.

2007-06-01T01:09:00.001Z

Ég og Björk skröppuðum þetta albúm fyrir Maju vinkonu okkar sem gjöf frá okkur vinkonunum úr Digranesskóla. Þær sem gefa albúmið eru auk okkar Bjarkar eru Lilja Dögg, Sonja og Kristín. Pp er bazzill og mestmegnis frá K&Company eftir Amy Buttler. Albúmið er líka frá K&Company. Svo notuðum við til dæmis stimpla, bling steina, borða og ýmislegt annað. Myndirnar eru teknar eftir að síðurnar voru settar í albúmið og koma því ekkert sérstaklega vel út. Fer vonandi að fá almennilegan skanna svo að ég geti farið að skanna inn síðurnar mínar. Þetta gefur því ekki alveg rétta mynd og er miklu flottara live.

Albúmin afhent

2007-05-16T15:16:00.000Z

Ég fékk að vera á bekkjarkvöldi hjá gamla bekknum mínum á mánudaginn. Eva Huld komst ekki fyrr en korter yfir sex en skemmtunin átti að hefjast klukkan sex svo að ég fékk að nota tækifærið og gefa krökkunum albúmin sem ég er búin að vera að gera síðustu mánuði. Þetta var rosa gaman og ég held að þetta hafi bara slegið í gegn. Hér eru nokkrar myndir.

Brosmildur gutti

2007-05-16T13:36:00.000Z

Þessa opnu gerði ég hjá Rögnu síðasta laugardag. Ég var frekar lengi að gera hana þó svo að hún sé mjög einföld. Fyrst var ég mjög lengi að ákveða pp og endaði á því að fara í FK Scrap til að byrgja mig upp. Lentum á sumargleðinni þar sem mörg góð tilboð voru og enduðum á að kaupa miklu meira en pp.

Þar sem ég er búin að prófa nokkurn veginn allt föndu ákvað ég að kíkja í kassana mína og fann þar mjög fínan sandpappír sem ég notaði í silfursmíðinni. Þessi sandpappír hentar ótrúlega vel til að sanda kanta á myndum og gerði ég það hér. Mér finnst það geðveikt töff. Brosmildur er gert með límmiðum en Gutti er stimplað með Mikka músar stimplum. Ég notaði bazzill pp og alveg ábyggilega pp frá K&Company en ég bara man það ekki. Blómin eru úr RAKi.

Skemmtilegt áhugamál

2007-05-11T09:23:00.000Z

Rosalega er gaman að skrappa en það er bara ekki það eina sem er skemmtilegt við þetta áhugamál. Mér finnst líka mjög gaman að blogga um skrappið, spjalla um skrappið og versla skrappið svo að ég segi án þess að hika að loksins er ég búin að finna föndur sem ég á alltaf eftir að vera í. Ég er nú búin að prófa margt skal ég ykkur segja. Félagsskapurinn í kringum þetta á scrapbook.is er líka æðislegur. Maður fær svo margar hugmyndir þaðan og líka af erlendum síðum. En félagsskapurinn er ekki bara af netinu því að þær eru allavega þrjár af mínum vinkonum sem skrappa líka og hlakka ég til dæmis mikið til laugardagsins því hann verður helgaður skrappi.

Stóra systir mín

2007-05-11T09:19:00.000Z

Röndótti pp er frá Provo Craft.
Græni pp er bazzill.
Útklippta blómið er frá K&Company.
Borðarnir frá Grænu systrunum.
Blómin úr RAKi.
Brads í blómunum og skrautið á borðunum pantaði ég frá creative express.
Titillinn stimplaður (enn einu sinni).

Pabbi

2007-05-11T09:11:00.000Z

Blái pp bazzill.
Munstraði pp frá K&Company
Borðarnir frá American Crafts og heita Elements.
Titillinn stimplaður (einu stimplarnir sem ég á og er orðin svoldið leið á þeim)
Eyelets í hornum myndarinnar keypti ég í Föndru.

Mömmustrákur

2007-05-11T09:09:00.000Z

Græni pp er bazzill.
Munstraði pp er frá K&Company. Mér finnst ótrúlega mikið af flottum pp frá þeim.
Primablóm.
Titillinn stimplaður.

Ég á lítinn bróður

2007-05-11T09:04:00.000Z

Bleiki pp er bazzill.
doppótti og röndótti pp er frá Provo Craft og keypti ég hann í föndurstofunni Síðumúla.
Afganginn man ég ekki hvaðan er en ég hef keypt bæði borðana og blómin.
Titillinn er rubon.

Kolbrún Ýr - mánaðargömul

2007-05-09T12:42:00.000Z

Ég kláraði þessa síðu á skrapphittingnum.

Pp er frá K&Company.
Bleika dútlið er borðskraut úr fermingu Unnar Maríu, mágkonu.
Blómið er minnir mig frá making memories.
Stafina gerði ég með sizzlits sem ég fékk að prófa á hittingnum. Ógeðslega sniðugt.

Daníel Örn - mánaðargamall

2007-05-09T12:37:00.000Z

Þessa síðu byrjaði ég að gera á skrapphittingnum og kláraði svo heima.

Pp er frá K&Company, keypt í FK Scrap.
Hringina skar ég út með Curvy Cutter fra Cutter Bee.
Stafastimplarnir eru frá 4 Kids Company keyptir í Ragshop USA.

Sumardagurinn fyrsti

2007-05-09T12:24:00.000Z

Kolbrún Ýr kom með mér á skrapphittinginn á laugardaginn og gerðum við þessa síðu í sameiningu. Hún valdi pp og hvar allt ætti að vera en ég sýndi henni hvað við gætum gert og klippti fyrir hana.

pp er frá Provo Craft og heitir bright kids.
Stimplarnir eru frá Panduro Hobby og keyptir í Odda.
Stafastimplarnir eru frá 4 Kids Company og keyptir í Ragshop í USA.
Skrautsteinarnir eru frá making memories.
Blómið gaf Ingunn H Kolbrúnu.

2007-05-05T23:12:00.000Z

Jói vildi endilega að ég setti þessar myndir hér inn. Ég fór á hitting í dag á vegum listans og kláraði þar eina opnu, gerði eina síðu með Kolbrúnu Ýri og byrjaði á annarri opnu. Ég er í einhverju veseni með að taka almennilegar myndir af síðunum. Þær verða svo hrikalega hreyfðar hjá mér. Ég set þær inn við fyrsta tækifæri.

Kominn heim - Daníel Örn

2007-05-03T17:24:00.000Z

Þessa síðu gerði ég einnig í hallærinu þegar mig vantaði pp. Það er lítið annað á síðunni annað en stimplar, mynd og bling. En hér er útkoman. Síðan virkar rosalega dökk svona í tölvunni en er bara ágætt live. ég skrifaði í kringum myndina að Brynjar afi hafi verið fyrsta barnið sem svaf í vöggunni.

Afgangar

2007-05-03T17:21:00.000Z

Á mánudaginn varð ég uppiskroppa með pp svo að ég skrappaði tvær síður úr afgöngum og er þetta útkoman.

Heimferðin og sængurlegan - Kolbrún Ýr

2007-04-30T12:48:00.000Z

Hér eru líka síður í FÁB en í Kolbrúnar albúm.

PP er bazzill og frá K&Company. Ég klippti blómið út. Textinn prentaður og blingið er úr hóppöntuninni. Ég var búin að skrifa svo mikið um hverja síðu, bæði þessar og þær sem ég setti inn fyrir Daníel en nei, nei þá bara var ekkert samband við blogger. Ég nenni ekki að setja inn allt aftur svo að síðurnar verða bara að tala sínu máli.

Sængurlegan - Daníel Örn

2007-04-30T12:44:00.000Z

Ég gerði fjórar síður fyrir FÁB (fyrsta ár barnsins) um helgina.

Síður um sængurleguna í Daníels albúm. PP er K&Company úr sweat pea línunni. Textinn er prentaður.

Kort fyrir borgaralega fermingu

2007-04-28T00:48:00.000Z

Á sunnudaginn erum við að fara í borgaralega fermingu. Mér fannst kortið þurfa að vera töff og alls ekki of stelpulegt svo að ég ákvað að nota afganginn af pp sem ég notaði í pokaalbúmið fyrir pabba. Pp keypti ég hjá FK scrap og er frá K&Company en neðsti pp er bazzill. Ótrúlega mikið úrval af pp hjá þeim núna og margt flott. Eyelets frá Making memories (minnir mig). Stimplana keypti ég í Odda. Kortið er í fjórum lögum.

1. forsíðan - Ellý Agnes, 29. apríl 2007
2. texti: Berðu framar öllu virðingu fyrir sjálfum þér. Pythagoras.
3. kveðja: Innilegar hamingjuóskir í tilefni dagsins, Brynjar, Steinunn og fjölskylda.
4. vasi undir peninga.

Ótrúlegur

2007-04-27T20:22:00.000Z

Daníel á mörg flott náttföt. Pp er bazzill en stafina prentaði ég og klippti út. Letrið er það sama og er í titli myndarinnar. Síðan er mjög einföld enda fannst mér ekki passa að hafa mikið skraut með.

Hér er síðan hans Daníels fyrir sumardaginn fyrsta. Eins og hin síðan er þessi mjög einföld. Ég er eitthvað voða einföld þessa dagana. Hringurinn er Lily Kate frá Basic Grey og blómin stimplaði ég á hvítan bazzill pp og klippti út, borðarnir eru frá making memories. Titillinn er rubon sem Nanna systir keypti í Garðheimum en er held ég frá Skrapp.is.

Leynivinavika

2007-04-27T17:37:00.000Z

Ég bjó til pokaalbúm fyrir pabba minn sem gjöf í leynivinaviku. Hér er afraksturinn:

Pokaalbúmin

2007-04-25T13:04:00.000Z

Síðustu vikurnar hef ég verið að skrappa pokaalbúm fyrir krakkana í bekknum mínum. Þau eru að klára yngsta stigið og fara yfir á miðstigið á næsta ári og ætla ég að gefa þeim albúmin í kveðjugjöf. Þetta hefur tekið frekar mikinn tíma og í raun er ég ekki alveg búin. Tveir vasarnir eru opnir inni í albúmunum og ætla ég að hafa texta á tags í öðrum og geisladisk í hinum með öllum myndum sem ég hef tekið af þeim. Ég á líka eftir að fara upp í skóla og fá fleiri myndir af þeim svo að þau geti þá framkallað myndir af bekkjarfélögunum. Ég set allavega myndir af forsíðunum hér.